خیبرپختونخوا کے مختلف محکمہ جات میں 84 ہزار خالی آسامیوں کا انکشاف

خیبرپختونخوا کے مختلف محکمہ جات میں 84 ہزار خالی آسامیوں کا انکشاف ہوا ہے اور کہا جا رہا ہے کہ یہ پچھلے تین سالوں سے خالی پڑی ہیں جنہیں ختم کرنے کی منظوری دی گئی ہے۔

18 جون کو صوبائی بجٹ پیش کرتے ہوئے محکمہ خزانہ کی جانب سے ایک رپورٹ پیش کی گئی جس میں یہ انکشاف کرتے ہوئے کہا گیا کہ خالی آسامیوں کے باوجود کسی بھی محکمے کا کام متاثر نہیں ہوا۔

ذرائع کا کہنا ہے کہ اس سلسلے میں بشمول خزانہ تمام محکمہ جات کو ہدایت کی گئی ہے کہ موجودہ خالی آسامیوں کا جائزہ لیا جائے اور اس کی روشنی میں یکے بعد دیگرے تمام خالی آسامیاں باقاعدہ ختم کردی جائیں۔

سرکاری ذرائع کا اس کی تصدیق کرتے ہوئے کہنا ہے کہ ان 84 ہزار آسامیوں کو ختم کرنے کی منظوری دی گئی ہے کیونکہ ازروئے قانون جس محکمے میں بھی کوئی آسامی چھ ماہ سے زائد عرصہ کیلئے خالی رہ جائے اسے ختم کیا جاسکتا ہے۔

ذرائع کا مزید کہنا ہے کہ ان آسامیوں کے حوالے سے عدالت میں کیس کی سماعت جاری ہے تاہم اس میں پبلک سروس کمیشن کے معاملات بھی ہیں اس لیے اس کیس کا تفصیلی جائزہ لینے کا فیصلہ کی گیا ہے۔

Show More
Back to top button