ورلڈ کپ: آج بھارت اور نیوزی لینڈ کی ٹیمیں مدمقابل ہونگی

 

انگلینڈ میں جاری کرکٹ ورلڈکپ کے 18ویں میچ میں آج بھارت اور نیوزی لینڈ کی ٹیمیں مدمقابل ہوں گی۔

ناٹنگھم کے ٹرینٹ برج گراؤنڈ میں دونوں ٹیموں کے درمیان میچ پاکستانی وقت کے مطابق دوپہر ڈھائی بجے کھیلا جائے گا۔

ایونٹ میں اب تک دونوں ٹیمیں ناقابل شکست ہیں، ویرات کوہلی کی قیادت میں بھارتی ٹیم 2 اور کین ولیمسن کی قیادت کی کیویز ٹیم 3 میچز میں کامیابی حاصل کرچکی ہے۔

پوائنٹس ٹیبل پر نیوزی لینڈ 6 پوائنٹس کے ساتھ سرفہرست ہے جب کہ بھارت 4 پوائنٹس کے ساتھ چوتھے نمبر پر براجمان ہے۔

خیال رہے کہ کل کھیلے گئے میچ میں آسٹریلیا نے پاکستان کو 41 رنز سے شکست دی ہے۔

Make Money with 1xBet
Show More
Back to top button